未來？

二十歲的生日願望只有那麼的一次,

我唔要食極唔肥

唔要長髮披肩

唔要下半身變纖細形

唔要中六合彩

唔要所有人鐘意我

二十歲的生日願望就真的只有一次,

第一個我給世界

第二個我給你們

第三個我給自已

無預計自已會走到二字頭既一日,

但哼一聲之後就真係到左今日,

同細個想象的爭太遠,

以為大個就會擁有一把足夠掩胸的長髮？

以為會自動長高？

以為大個就會讀大學？

以為大個就會變得聰明？

以為九方將來會取代速成？

通通都無，十年前李結欣的幻想通通破滅，

會失望嗎？

會，但又不一定。

面上才剛徹退的baby fat,

緊接爬上來的將會是細紋及色斑,

仲有完全唔會比面我的肌肉鬆弛,

也許比死亡早一步來到的衰老,

稍稍想象經已令人感到悲傷,

但又無可否認我又有一點期待打botox.

人生不過是這樣，幾討厭都總會有一些值得期待，

但我覺得才二十歲就談人生未免有點可笑,

我們都在一陣混亂中突然被告知你要長大了,

而我知道卻發現自己沒有準備好，

不知不覺就醒在大人的世界裡了。

不久之後的我可能會變成唔睇鍵盤都能夠快速打字既人,

終於可以著成熟一點的衫而不會比人話奇怪,

朝早要攬住手袋迫地鐵,

放工會打比朋友講同事是非，

用自己賺既錢請爸媽去旅行，

自己供份保險啦，

唔使等季尾特價都可以買當季既鞋同衫，

將會在世界上不同的地方留下腳印，

幸運的話會組織家庭，

等等等等。

Well,咁樣諗既話，未來又值得期待了！